O‘zbekiston | 14:50 / 25.06.2024
5739
1 daqiqa o‘qiladi

Abdulla Aripov Urumchiga tashrif buyurdi

Abdulla Aripov va Shinjon-Uyg‘ur avtonom rayoni partqo‘mi kotibi Ma Sinjuy boshchiligida ikki tomonlama uchrashuv o‘tkazildi.

Foto: Bosh vazir matbuot kotibi

Joriy yilning 26-30 iyun kunlari Xitoyning Urumchi shahrida EKSPO “Xitoy-Yevrosiyo” sakkizinchi xalqaro ko‘rgazmasi bo‘lib o‘tadi.

Mazkur EKSPOda faxriy mehmon sifatida Qirg‘iziston bosh vaziri, Qozog‘iston bosh vazirining o‘rinbosari, shuningdek, 40 dan ortiq xorijiy hukumatlar vakillari ishtirok etishi kutilmoqda.

O‘zbekiston prezidenti Shavkat Mirziyoyevning topshirig‘iga asosan, bosh vazir boshchiligidagi mamlakat hukumati delegatsiyasi mazkur tadbirda qatnashish uchun Urumchi shahriga tashrif buyurdi.

Bugun, 25 iyun kuni Urumchi shahriga tashrif doirasida O‘zbekiston bosh vaziri Abdulla Aripov va Xitoy Kommunistik partiyasi Markaziy qo‘mitasi Siyosiy byurosi a’zosi, Shinjon-Uyg‘ur avtonom rayoni Partqo‘mi kotibi Ma Sinjuy boshchiligida ikki tomonlama uchrashuv o‘tkazildi.

Mavzuga oid