Xadichai Kubroda fiqh fanidan musobaqa g‘oliblari taqdirlandi

Xadichai Kubro ayol-qizlar o‘rta maxsus islom bilim yurtida islom shariatining ajralmas bir bo‘lagi bo‘lmish Fiqh faniga katta e'tibor berilib, oktabr oyida talabalarning fiqhdan olayotgan bilimlarini sinab ko‘rish maqsadida “ABU HANIFA IZDOShLARI” shiori ostida qiziqarli musobaqa tashkil etildi, deb yozadi Muxlis.uz poratli. Bir oy mobaynida talabalar fiqhiy hukmlar, mazhab imomlari va ularning shogirdlari, fiqhiy kitoblar hamda bugungi kunda uchrab turadigan zamonaviy masalalarga oid test savollari, fatvolar va ayollar fiqhiga oid masalalplni yechishga, to‘g‘ri va asosli javoblar topishga harakat qildilar. Bundan tashqari har hafta “Mashhur faqihlar”, “Ayollar fiqhi” va “Fiqhiy fatvolar” rukni devoriy gazeta orqali qiziqarli ma'lumotlar berib borildi. Musobaqa natijalari oktabr oyining so‘ngida e'lon qilinib, fiqh oyligiga bag‘ishlangan tadbir bo‘lib o‘tdi.
Tadbirda fiqh fanining ahamiyati, Abu Hanifa rahmatullohi alayhning axloqlari, fazllari va hayotlari haqida ma'lumotlar berildi. Tomoshabinlardan 4 nafar talabaqur'a asosida taklif qilinib, fiqhiy atamalardan bahru bayt aytishishdi. So‘ng boshlovchilar fiqhiy savollar berib, to‘g‘ri javob topgan tomoshabinlarga sovg‘alar ulashishdi. So‘ng ajoyib sahna ko‘rinishini namoyish etdilar. Sahna ko‘rinishidan keyin natijalar fiqh mudarrisalari tomonidan e'lon qilindi:
Ne'matjonova Go‘zaloy (4-kurs), Tohirova Habibaxon (3-kurs), Hamzaliyeva Mohidilxon (3-kurs), Orifjonova Gulhayoxon (3-kurs), Mannobjonova Robiya (2-kurs)Ergasheva Mohlaroy (1-kurs), Jo‘rayeva Madinabonu (1 kurs)lar “ABU HANIFA IZDOShLARI” deya topilib, qimmatbaho sovg‘alar bilan taqdirlandilar.