«Sharq taronalari» xalqaro musiqiy tanloviga tayyorgarlik munosabati bilan Samarqand shahridagi Registon ansambliga 20 iyuldan boshlab faqat 11:00 dan 17:00 gacha kirishga ruxsat beriladi. Qolgan vaqtlarda ansamblda «Sharq taronalari»ga tayyorgarlik ko‘riladi. Bu haqda Registon ansambli ma'muriyati xabar bermoqda.
Bu yil 12-marta o‘tkaziladigan «Sharq taronalari» xalqaro musiqa festivali 26-30 avgust kunlari bo‘lib o‘tadi. «Sharq taronalari» xalqaro musiqa festivalini o‘tkazish tartibi to‘g‘risidagi nizomni tasdiqlash haqidagi Vazirlar mahkamasining qarorida keltirilishicha, musobaqaning gran-pri sohibiga 10 000 AQSh dollari, 1-o‘rin egalariga 5 000, 2-o‘rin egalariga 3 500, 3-o‘rin sohiblariga 2 000 AQSh dollaridan mukofot puli ajratilgan.
Shuningdek xalqaro hay'at raisiga 2 000 AQSh dollari, hay'at a'zolarining har biriga 1 000 AQSh dollaridan gonorar beriladi.
