23:50 / 15.03.2018
66173

2019 yil O‘zbekistonda "Qozog‘iston yili" deb e'lon qilinishi va Ostonada Navoiy haykali o‘rnatilishi haqida 

2018 yil Qozog‘istonda "O‘zbekiston yili" deb e'lon qilingan bo‘lsa, 2019 yil O‘zbekistonda "Qozog‘iston yili" deb e'lon qilinishi kutilmoqda. Bu haqida Qozog‘iston prezidenti Nursulton Nazarboyev 15 mart kungi nutqi davomida ma'lum qildi. 

Shuningdek N.Nazarboyev O‘zbekiston prezidentining mintaqalararo do‘stlik aloqalarining yaxshilanishiga katta hissa qo‘shganini alohida ta'kidladi va Shavkat Mirziyoyevni birinchi darajali "Do‘stlik" ordeni bilan mukofotladi.

"Shavkat Mirziyoyevning Markaziy Osiyo mamlakatlari ahilligiga qo‘shgan hissasi juda katta. U bir yarim yillik prezidentlik faoliyati davrida barcha qo‘shnilar bilan til topishib, barimizni do‘stlashtirib, bugungi besh davlat rahbarining Ostonaga kelishiga juda katta hissa qo‘shdi", - deydi u. 

Foto: Prezident matbuot xizmati

Qozog‘iston prezidenti fursatdan foydalanib, o‘zbek va qozoq xalqlarini Navro‘z bayrami bilan chin dildan tabrikladi. 

Nazarboyev so‘z so‘ngida Alisher Navoiy va Abayning do‘stlik haqidagi hikmatli so‘zlarini keltirgan holda, O‘zbekistonda Abay haykali bo‘lgani kabi, Ostonada ham  buyuk o‘zbek mutafakkiri Alisher Navoiy haykali o‘rnatilishini ta'kidladi. 

Top