Foto: IIV
O‘zbekiston Ichki ishlar vazirligi Toshkent davlat sirki sobiq bosh direktori Bahrom Majidovni qidiruvga berdi. Bu haqda IIV rasmiy saytida tegishli ma'lumot joylashtirilgan.
Qidiruv ma'lumotida aytilishicha, 1955 yil 11 dekabr kuni tug‘ilgan B.Majidov O‘zbekiston Respublikasi Jinoyat Kodeksining 164-moddasi 3-qismida keltirilgan jinoyatlarni sodir etishda gumonlanmoqda.
Ma'lumot uchun, Bahrom Majidov uzoq yillar O‘zbekiston davlat sirki rahbari bo‘lgan, O‘zbekiston Xalq artisti unvoni bilan mukofotlangan.
