15 oktabrdan 16 oktabrga o‘tar kechasi, Favqulodda vaziyatlar vazirligi qutqaruvchilari «Qamchiq» dovonida ob-havoning keskin pasayishi, kuchli shamol esishi va qor yog‘ayotganligi sababli 03:30lar chamasida transport vositalari hamda yo‘lovchilarga yordam berish maqsadida kuzatuv va nazorat ishlari olib borayotgan vaqtida ikkita «Damas» rusumli avtomashinalarning buzilganligi sababli to‘xtab qolganligini aniqlashdi.
FVV matbuot xizmati xabariga ko‘ra, avtomashinalarda Samarqand shahridan sport musobaqalaridan 9 nafar 7 yoshdan 17 yoshgacha bo‘lgan maktab o‘quvchilari 3 nafar murabbiylari kuzatuvida uylariga qaytishayotgan ekan.
Qutqaruvchilar yo‘lovchilarni «Qamchiq» maxsus qidiruv qutqaruv boshqarmasi binosiga olib kelishgan, u yerda issiq ovqat, issiq joy bilan ta'minladilar, erta tongda esa avtomobilni ta'mirlab uylariga jo‘natishgan.