23:17 / 02.03.2019
38881

Bedarak ketgan buxorolik ayol sakkiz oydan buyon qidirilmoqda

1992 yil 10 iyunda Buxoro viloyati, Vobkent tumanida tug‘ilgan Manzura Hakimovna Tursunova qidirilmoqda. 

U 2018 yil 5 iyunda uyidan chiqib ketib, bedarak yo‘qolgan. Millati o‘zbek, ma'lumoti o‘rta. Oilali, ikki nafar farzandi bor.

Uyidan chiqib ketganida uning egnida qora rangli yengsiz ko‘ylak, yashil va jigarrangli xalat, boshida pushti rangli ro‘mol, oyog‘ida sariq rangli shippak bo‘lgan.

Alohida belgilari: Bo‘yi 155-160 santimetr, yuzi uzunchoq, sochlari qora, ko‘zlari jigarrang. Jag‘ tishlarining orqa tomoni tepa va past qismlari yo‘q.

Manzura Hakimovna Tursunova haqida ma'lumotga ega bo‘lganlar (0365) 770-02-75, 332-12-02, +99897 303-94-97 telefon raqamlari orqali yoki yaqin hududdagi ichki ishlar bo‘limiga xabar berishi so‘raladi.

Top