AQSh va Janubiy Koreya hamkorligidagi yillik qo‘mondonlik-shtab mashg‘ulotlari 4-12 mart kunlari bo‘lib o‘tadi va Key Resolve nomi o‘rniga "Tonmen" deb nomlanadi. Bu haqda o‘z manbalariga tayanib Ryonxap agentligi xabar qildi.
"Key Resolve nomi ostida o‘tkazilgan qo‘mondonlik-shtab mashg‘ulotlari "Tonmen" deb nomlandi. Mashg‘ulotlar dam olish kunlaridan tashqari yetti kun davomida o‘tkaziladi", - deyiladi Ryonxap xabarida.
Wall Street Journal gazetasi o‘z manbalariga tayanib Amerika harbiylari Janubiy Koreya bilan hamkorlikdagi harbiy mashg‘ulotlar ko‘lamini qisqartirmoqchi ekanligini xabar qilgandi.
Avvalroq AQSh prezidenti Donald Tramp Janubiy Koreya bilan hamkorlikdagi harbiy mashg‘ulotlar qimmatligi uchun ulardan voz kechganini bildirgandi.
