O‘zbekiston terma jamoasi qizlari (U-19) IHF Trophy musobaqasida qirg‘izistonlik tengqurlari ustidan 93:0 hisobida g‘alaba qozonishdi.
Shu tariqa, o‘zbekistonlik gandbolchilar rekord natija qayd qilishdi.
Bungacha Bahrayn o‘smirlar jamoasining Hindiston ustidan 86:31 va Misr o‘smirlarining mavritaniyalik tengqurlari ustidan 92:16 hisobidagi g‘alabalari qayd qilingan.
IHF Inter-Continental Trophy musobaqasi Xalqaro gandbol federatsiyasi tomonidan 2011 yildan beri o‘tkazib kelinadi. Ikki yilda bir marta o‘tkaziladigan musobaqada rivojlanyotgan davlatlarning 21 yoshgacha va 19 yoshgacha sportchilari bellashishadi.
