14:56 / 28.05.2019
7270

«Lasetti» yukxonasidagi 100 million so‘mlik sifati kafolatlanmagan mahsulotlar fosh etildi

Foto: Davlat bojxona qo‘mitasi axborot xizmati

Sifati kafolatlanmagan, inson salomatligiga xavf tug‘diruvchi biologik faol moddalarni yurtimizga noqonuniy olib kirish va uning savdosiga qarshi bojxona organlari tomonidan keskin kurash olib borilmoqda.

Xususan, Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan Toshkent viloyati, Yuqori Chirchiq tumani hududida tezkor tadbir o‘tkazildi.

Tadbir davomida yo‘l chetida to‘xtab turgan, fuqaro M.A boshqaruvidagi “Lasetti” rusumli avtotransport vositasi belgilangan tartibda ko‘zdan kechirildi.

Natijada, uning yukxonasida xorijda ishlab chiqarilgan va hech qanday hujjatlari bo‘lmagan, umumiy qiymati 100 million so‘mdan ortiq 466 dona biologik faol qo‘shimchalar borligi aniqlandi va ashyoviy dalil sifatida olib qo‘yildi.

Hozirda holat yuzasidan tekshiruv harakatlari olib borilmoqda.

Top