Foto: Christina Horsten/dpa/Global Look Press
AQSh huquq-tartibot organlari xodimlari Nyu-York markazida portlashlar uyushtirishni rejalashtirgan shaxsni qo‘lga oldi, deb xabar berdi ABC telekompaniyasi.
Telekompaniya manbalarining ma'lumot berishicha, u Nyu-Yorkning bosh maydoni – Tayms-skverni portlatish uchun "bir nechta granata sotib olishga qiziqish bildirgan". Dastlabki ma'lumotlarga ko‘ra, u biror-bir terrorchi yoki jinoiy guruhga aloqador emas.
Unga Bruklin rayoni sudida ayblov e'lon qilinishi kutilmoqda.
2018 yil dekabrda Kanada fuqarosi Abdulrahmon Al Baxnazaviy 40 yilga ozodlikdan mahrum etilgandi. U 2016 yilda Tayms-skver va Nyu-York metrosida portlovchi qurilmalarni harakatga keltirishga uringan.
