Foto: EPA-EFE/ALEXEI DRUZHININ/SPUTNIK/KREMLIN POOL
Turkiya prezidenti Rajab Tayyip Erdo‘g‘an Rossiyaning S-400 zenit-raketa majmualarini yetkazib berish iyulning birinchi yarmidan boshlanishi mumkinligini ma'lum qildi.
"Putin bilan S-400 mavzusini muhokama qilish imkoniyati bo‘ldi, ammo mavzu allaqachon yopilgan, hech qanday salbiy gap bo‘lishi mumkin emas. O‘ylashimcha, iyulning birinchi yarmida yetkazib berish boshlanadi" – dedi u Tojikiston safaridan qaytayotib.
Avvalroq Anqara C-400 sotib olishdan voz kechmasligini bildirgandi. AQSh S-400 majmualari NATO standartlariga to‘g‘ri kelmasligini aytib, Turkiyaga sanksiyalar kiritish bilan tahdid qilmoqda.
