08:14 / 21.06.2019
6164

Hindistonda yuz bergan yo‘l-transport hodisasida 43 kishi halok bo‘ldi  

Foto: Hindustan Times

Hindiston shimolidagi Ximachal-Pradesh shtatida avtobusning daraga qulashi oqibatida 43 kishi halok bo‘ldi. Bu haqda Hindustan Times nashri xabar berdi.

Avvalroq 25 kishi halok bo‘lgani, 35 kishi jarohat olgani ma'lum qilingandi. 

Yana 30 ga yaqin kishi jarohat olgan. Halokat vaqtida 42 kishiga mo‘ljallangan avtobusda kamida 72 kishi bo‘lgan. Qurbonlarning aksariyati mashg‘ulotlardan keyin uylariga qaytayotgan maktab va kollej o‘quvchilari bo‘lgan.

Jarohatlanganlarning ko‘pchiligi og‘ir ahvoldaligi sababli qurbonlar soni oshishi mumkin.

Politsiya voqea sabablarini aniqlashtira boshlagan. Dastlabki ma'lumotlarga ko‘ra, avtobus haydovchisi boshqaruvni qo‘ldan chiqargan.

Hindiston bosh vaziri Narendra Modi qurbonlar oilalariga o‘z hamdardligini bildirgan, jarohat olganlarga tezroq sog‘ayib ketishlarini tilab qolgan.

Top