«PSJ» yarimhimoyachisi Adriyen Rabo «Yuventus» klubiga o‘tdi.
Fransiyalik futbolchi turinliklar bilan shartnoma imzoladi, hozircha uning muddati e'lon qilinmadi.
Rabo yiliga 7 million yevro maosh oladigan bo‘ldi. Uning onasi va agenti Veronika Rabo esa bu transferdan 10 million yevro ishlab oldi.
Rabo «PSJ» tarbiyalanuvchisi hisoblanadi. 30 iyun kuni uning parijliklar bilan imzolagan shartnomasi muddati nihoyasiga yetdi. Natijada, «Yuventus» uni erkin agent maqomida bepul qo‘lga kiritdi.
