2019 yil 30 avgust kuni Sirdaryo viloyatining Xovos tumanidagi kasalxonadan tushgan xabarga ko‘ra, “Istiqlol” MFYda yashagan 52 yoshli E.K. ismli ayol uyidan qorin qismida jarohatlari bilan kasalxonaga olib kelinib, ko‘rsatilgan tibbiy muolajalarga qaramay shu yerda vafot etgan.
O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, olib borilgan surishtiruv ishlari natijasida 27 avgust kuni soat 21:00larda E.K. uyida birga yashovchi tanishi, 40 yoshli H.X. bilan birgalikda spirtli ichimlik ichib, kelib chiqqan o‘zaro janjal oqibatida H.X. E.K.ga pichoq bilan jarohat yetkazganligi, E.K. olgan jarohatlari bilan shu kunga qadar hech qayerga murojaat qilmaganligi aniqlangan.
Holat yuzasidan jinoyat ishi qo‘zg‘atilib, H.X. ushlangan. Tergov harakatlari olib borilmoqda.
