08:39 / 04.09.2019
1
35655

Belarus Ukraina bilan chegarasini to‘liq yopdi 

Foto: Mixail Metsel/TASS

Belarus Ukraina bilan chegarasini to‘liq yopdi. Belarus prezidenti Aleksandr Lukashenkoning ta'kidlashicha, bunga Ukrainadan qurol kirib kelayotgani sabab bo‘lgan.

“Biz o‘z inilarimiz, bizga yaqin odamlar bilan chegarani azaldan 1-raqamli dushman bo‘lib ko‘ringan NATOdan ham zichroq yopishga majbur bo‘ldik”, deb aytgan Lukashenko Minskda o‘tgan terrorchilikka qarshi innovatsion yondashuvlar bilan kurashish bo‘yicha xalqaro anjumanda.

U agar bu qurol “oddiy va ayniqsa millatchi kayfiyatdagi odamlar qo‘liga tushsa, terrorchilikni kutaver” deb aytgan.

Belarus davlat chegarasi qo‘mitasida ma'lum qilinishicha, 2018 yilda Ukraina bilan chegarada 800 dan ko‘proq o‘q-dori va 76 ta qurol musodara qilingan. O‘shanda Lukashenko davlatning janubiy sarhadlari qo‘riqlanishini kuchaytirishni buyurgan va chegarachilar soni oshirilishi mumkinligini aytgan. 

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top