12:40 / 08.09.2019
4
37221

Oqdaryo tumanida davlat xizmatchilari pichoqlangani haqidagi xabar yuzasidan rasmiy ma'lumot berildi

7 sentabr kuni Kun.uz saytida Samarqand viloyatining Oqdaryo tumani hokimligida davlat xizmatchilari bo‘lgan uch kishi noma'lum shaxs tomonidan pichoqlangani to‘g‘risida xabar berilgandi. Samarqand  viloyat Ichki ishlar boshqarmasi ushbu hodisa yuzasidan rasmiy ma'lumot taqdim etdi.

«To‘plangan hujjatlarga ko‘ra, 2019 yil 6 sentabr kuni soat 18:00larda Oqdaryo tumanida A.B. spirtli ichimlik iste'mol qilib, mast holatda tuman «Agrobank» binosiga kelib, hech bir sababsiz janjal chiqarib, yonida bo‘lgan yig‘ma pichoq bilan bank xodimlari N.Sh., U.H. va Qishloq xo‘jaligi bo‘limi xodimi R.J.ni urib, tan jarohati yetkazgan vaqtda binoda xizmat olib borayotgan tuman IIB xodimlari tomonidan ushlanib, undan bir dona yig‘ma pichoq daliliy ashyo sifatida olingan. 

Mazkur holat yuzasidan 6 sentabr kuni Oqdaryo tumani IIB huzuridagi tergov bo‘limi tomonidan A.B.ga nisbatan O‘zbekiston Respublikasi JKning 104-moddasi 1-qismi bilan jinoyat ishi qo‘zg‘atilgan», deyiladi xabarda.

6 sentabr kuni hodisa oqibatida tan jarohati olgan uch kishiga nisbatan sudga oid tibbiyot ekspertizasi tayinlangan.

7 sentabr kuni kuni A.B. JKning 104-moddasi 1-qismi («Qasddan badanga og‘ir shikast yetkazish») bilan gumon qilinuvchi tariqasida ishtirok etishga jalb qilinib, shu kuni JPKning 221-moddasi tartibida ushlangan.

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top