Janubiy Karolina shtatining Lankaster okrugidagi tungi klubda sodir bo‘lgan otishma natijasida ikki kishi halok bo‘ldi. Bu haqda Fox News telekanali xabar berdi.
Ma'lum qilinishicha, noma'lum shaxslar Old Skool Spors Bar & Grill tungi klubida otishma sodir etgan.
"Ikki kishi halok bo‘ldi, bir necha kishi jiddiy jarohatlandi", — deb ma'lum qildi okrug sherifi Barri Feil.
Telekanal xabariga ko‘ra, kamida sakkiz kishi yaralangan.
Politsiya tekshiruv boshladi, otishma sodir etganlar qidirilmoqda.