O‘zbekistonning Qozon shahridagi bosh konsuli Fariddin Nasriyev Kirov oblastiga amaliy tashrif bilan keldi.
Kirov oblasti hukumatidan xabar berishlaricha, Fariddin Nasriyev mintaqa hukumatining raisi Aleksandr Churin bilan uchrashdi.
Uchrashuv davomida Churin va Nasriyev O‘zbekiston hamda Kirov oblasti o‘rtasidagi savdo-iqtisodiy va gumanitar hamkorlik masalalarini muhokama qildilar. Shu jumladan, mahsulotlarni sotish bozorlarni kengaytirish borasida so‘z yuritildi.
Kirov va O‘zbekiston o‘rtasida to‘g‘ridan-to‘g‘ri aviareyslarni tashkil etish ham muhokama qilindi. Fariddin Nasriyev ta'kidlashicha, agar mintaqada shunday qiziqish bo‘lsa, respublika to‘g‘ridan-to‘g‘ri aviareyslarni ochishga tayyor. Bosh konsul, shuningdek, avtobus qatnovlarini ochish masalasini ko‘rib chiqish mumkinligini qayd etdi.
