«O‘zbekiston temir yo‘llari» yangi yo‘nalishda poyezdlar qatnovini yo‘lga qo‘ydi. Bu haqda aksiyadorlik jamiyati xabarida aytilgan.
Qayd etilishicha, 2019 yil 29 oktyabrdan boshlab «O‘zbekiston temir yo‘llari» AJ tomonidan Miskin - Nukus - Beyneu yo‘nalishida yo‘lovchi poyezdining harakati yo‘lga qo‘yilgan.
Yo‘lovchilarga qulaylik yaratish maqsadida, ushbu poyezd har kuni respublika fuqarolari va chet el fuqarolariga bir shahardan boshqasiga muammosiz kirish imkonini beradi. Shu bilan birga, mazkur poyezd quyidagi stansiyalarda to‘xtaydi: Nazarxon, Kaybakli, Qorao‘zak, Baday, Beruniy, Ellikqal'a, To‘rtko‘l.
Bildirilishicha, qo‘shimcha ma'lumotni Toshkent shahridagi 1005 qisqa telefon raqami, joylardagi temir yo‘l kassalari hamda ma'lumotlar byurosidan bilib olish mumkin.
