Britaniyaning quruqlikdagi qo‘shinlari soni 100 yil ichidagi minimal darajagacha qisqartirilmoqchi. Shuningdek, Britaniya armiyasining eng yangi aviatashuvchi kemalaridan birini AQShga berish rejalashtirilmoqda. Bu haqda Sunday Times nshri xabar berdi.
Nashr ma'lumotlariga ko‘ra, London mudofaaga yalpi ichki mahsulotning kamida 2 foizini ajratmoqchi, qo‘shinlar sonini esa 80 mingdan 60-65 ming kishigacha qisqartirmoqchi.
Britaniya mudofaa vaziri Ben Uolles xarajatlarni kamaytirish uchun NATO yoki AQShga eng yangi avitashuvchi kemalar ijaraga berilishi mumkinligini aytgan.
Qirollik qurolli kuchlaridagi manbaning ma'lum qilishicha, britaniyalik harbiylar bu kemalarni yoqtirishmaydi va uni “befoyda narsa” deb hisoblashadi, AQSh armiyasida esa aksincha aynan shu kemalarga qiziqish baland hisoblanadi.
