“Tolibon” jangarilarining Afg‘onistonning Qunduz, Balh va Tohar viloyatlarida sodir etgan hujumlari oqibatida kamida 23 kishi halok bo‘ldi. Bu haqda 1TV telekanali xabar berdi.
OAV ma'lumotlariga ko‘ra, Qunduz viloyatida toliblarning nazorat-o‘tkazish punktiga hujumi vaqtida 8 harbiy halok bo‘lgan, yana 4 kishi yaralangan.
Tohar viloyatining Darkad uyezdida toliblar sodir etgan hujum 7 harbiyning halok bo‘lishiga olib kelgan, 11 jangari yo‘q qilingan.
Tolo News’ning xabar berishicha, Balx viloyatidagi nazorat-o‘tkazish punktiga hujumda 8 politsiyachi halok bo‘lgan.