7 aprel kuni, daraxtlar barq urib gullagan paytda Samarqand viloyatining Qo‘shrabot tumanida qor yog‘di.
O‘zbekistonga Rossiya Federatsiyasi hududidan sovuq havo oqimlari kirib kelgani bois, ob-havoning harorati keskin pasayib, hududlarda yomg‘ir yog‘moqda.
Ayrim joylarda yomg‘ir qorga aylanganini kuzatish mumkin.
Samarqand viloyati Qo‘shrabot tumani matbuot xizmati rahbari Bobur Mamadiyorov Kun.uz’ga tumandagi qor manzaralari tasvirlarini yo‘lladi.
Ma'lum bo‘lishicha, 7 aprel kuniga o‘tar kechasi Samarqand viloyati markazidan 100 kilometr uzoqlikda joylashgan tumanning Qovunchi qishlog‘ida qor yog‘gan.
