17:21 / 22.04.2020
11898

Foto: Xitoylik mutaxassislar Andijonga keldi

Koronavirus pandemiyasi tarqalishining oldini olish va unga qarshi kurashga amaliy yordam berish maqsadida Xitoydan kelgan bir guruh mutaxassislar 21 aprel kuni Andijonda bo‘ldi.

Foto: KUN.UZ

Kun.uz muxbirining xabar berishicha, xitoylik mutaxassislar karantin davrida Andijon viloyatida amalga oshirilayotgan ishlar bilan tanishib, viloyatdagi hamkasblari bilan o‘z tajribalarini o‘rtoqlashdi.

Xorijlik mutaxassislar koronavirusga qarshi kurashish bo‘yicha amaliy ko‘nikmalar, bo‘limlarda harakatlanish, shifokor va hamshiralarning muloqotlari, bemorlarning davolanish rejalari, ovqatlanish tartibi, niqoblar, himoya ko‘zoynaklari, birlamchi himoya vositalari bo‘yicha tavsiyalar bergan.

Xitoydan taklif etilgan mutaxassislar bundan oldin Farg‘ona viloyatida ham bo‘lgandi.

Eslatib o‘tamiz, chinlik konsultantlar va tibbiyot xodimlaridan iborat 15 kishilik guruh O‘zbekistonga 17 aprel kuni kelgandi. Guruh tarkibidan virusolog, epidemiolog, pulmonolog, terapevt, jarroh va yuqumli kasalliklar bo‘yicha mutaxassislar o‘rin olgan.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top