10:50 / 01.05.2020
11379

Surxondaryoda «Matiz» va velosiped ishtirokidagi YTHda velosipedchi vafot etdi

Joriy yilning 30 aprel kuni soat 18:30larda, Surxondaryo viloyati, Jarqo‘rg‘on tumani, Xayitobod mahallasi hududidan o‘tuvchi xalqaro M-41 “Bishkek-Dushanbe-Termiz” avtomobil yo‘lining 1575-km.da yo‘l-transport hodisasi sodir bo‘ldi.

Foto: IIV YHXBB axborot xizmati

O‘zbekiston Respublikasi IIV YHXBB axborot xizmati xabariga ko‘ra, haydovchi, 1997 y.t. S.R. “Matiz” rusumli transport vositasini boshqarayotib, quvib o‘tish manyovrini bajarish uchun qarama-qarshi yo‘nalishga chiqib, qarshisidan harakatlanib kelayotgan avtomobil bilan to‘qnashmaslik maqsadida o‘z avtomobilini chapga olib, “Jarqo‘rg‘on-Surxon” yo‘nalishida qarama-qarshi tomondan harakatlanib kelayotgan velosipedchi, 1965 y.t. A.Q.ni urib yuborib, YTH sodir etgan.

Natijada, velosipedchi A.Q. og‘ir tan jarohati olib voqea joyida vafot etgan.

“Hurmatli yo‘l harakati ishtirokchilari, karantin vaqtida zaruratsiz ko‘chaga chiqmasligingizni, zarurat bilan chiqqan vaqtingizda ham “Yo‘l harakati qoidalari”ga amal qilishingizni so‘rab qolamiz”, - deyiladi ma'lumotda.

Top