Bugunga kelib Qirg‘izistonda koronavirusga chalinganlar soni 769 kishiga yetdi, ulardan 200 nafari tibbiyot xodimlaridir. O‘n kishi vafot etdi, 527 kishi tuzaldi.
Qirg‘izistonda koronavirusdan yana ikkita o‘lim holati qayd etildi. Bu haqda mamlakat koronavirusga qarshi kurash bo‘yicha shtabi xabar berdi.
"Ikkinchi may kuni respublika yuqumli kasalliklar shifoxonasida 2 bemor koronavirusdan vafot etdi", - deb ma'lum qildi shtab vakili.
Uning so‘zlariga ko‘ra, vafot etganlardan biri tibbiyot xodimi bo‘lib, 58 yoshli ayol bo‘lgan, ikkinchi bemor Jalolobod viloyatilik 69 yoshli ayol bo‘lgan.
Qayd etilishicha, har ikki ayolda zotiljam, kasallikning og‘ir kechishi, nafas yetishmovchiligi kuzatilgan. Ularda yurak yetishmovchiligi, qandli diabet ham bo‘lgan.
Bugunga kelib Qirg‘izistonda koronavirusga chalinganlar soni 769 kishiga yetdi, ulardan 200 nafari tibbiyot xodimlaridir. O‘n kishi vafot etdi, 527 kishi tuzaldi.
Koronavirus epidemiyasi sababli mamlakatda favqulodda vaziyat e'lon qilingan bo‘lsa, qator shaharlarda, jumladan poytaxtda favqulodda holat rejimi joriy etilgan.
