Pokistonda koronavirus pandemiyasi sababli ishini yo‘qotgan o‘n minglab odamlarni band qilish bo‘yicha istiqbolli g‘oya amalga oshirildi.
Bu haqda Reuter axborot agentligi xabar berdi.
Mamlakatda bu maqsadda o‘rmon xo‘jaligida 63 mingdan ko‘proq ish o‘rni tashkil etildi. Bu Islomobod “O‘n million daraxt sunamisi” deb nomlangan 5 yillik dasturga qaytishga qaror qilgandan keyin mumkin bo‘ldi. Dastur Pokistonni ko‘kalamzorlashtirishga qaratilgan bo‘lib, koronavirus pandemiyasi sababli to‘xtab qolgandi. Biroq hukumat budjetda mablag‘lar taqchilligiga qaramasdan, unga qaytishga imkon topdi.
Ishsiz qolgan, asosan qishloq hududlaridan bo‘lgan o‘n minglab odamlar daraxt o‘tqazish, ularni yong‘inlardan himoyalash va noqonuniy chopilishiga qarshi kurashga yollangan. Ishchilar niqob taqib yurishlari va ijtimoiy masofani saqlashlari lozim. Ularga kunbay haq to‘lanmoqda.
Dasturdan maqsad joriy yil oxirigacha 20 mln ko‘chat o‘tqazishdan iborat.
