1960 yildan beri ilk bor Yaponiyaning Fudziyama tog‘iga chiqishda qo‘llanuvchi 4 ta yo‘nalishning barchasi koronavirus tarqalishi oldini olish uchun yopib qo‘yildi.
Yaponiya rasmiylari virus tarqalishi oldini olish uchun tog‘ga ko‘tarilishni istovchilarga uning yonbag‘irlarini yopishga qaror qilishdi.
“Yaponiyaning eng baland cho‘qqisiga olib boruvchi 4 ta asosiy yo‘nalishdan 3 tasini boshqaruvchi Sidzuoka prefekturasi ma'muriyati joriy yilda tog‘ga chiqish uchun yo‘nalishlardan birortasi ochilmasligini e'lon qildi”, deyilgan xabarda.
Ta'kidlanishicha, Yamanasi prefekturasi ham cho‘qqiga ko‘tarilishda qo‘llanuvchi 4-yo‘nalishning yopilishi haqida e'lon qilgan. Fudziyamaga ko‘tarilish mavsumi odatda iyuldan sentyabrgacha davom etadi.