O‘zbekiston milliy saylov tizimini yanada demokratlashtirish chora-tadbirlari qabul qilinadi.
O‘zbekiston saylov tizimini yanada demokratlashtirish, saylov qonunchiligi va amaliyotini takomillashtirishga doir chora-tadbirlar dasturi loyihasi e'lon qilindi.
O‘zbekiston Respublikasining Konstitutsiyasiga qator o‘zgartish va qo‘shimchalarni kiritishni nazarda tutadigan qonun loyihasini tayyorlash rejalashtirilmoqda.
Unga ko‘ra:
sud tomonidan muomalaga layoqatsiz deb topilgan shaxslarga saylash huquqini berish, sud tomonidan individual tartibda saylash huquqi cheklangan hollardan tashqari;
muddatli saylovlarni o‘tkazish sanasini dekabr oyidan mart oyiga ko‘chirish;
bir nomzod faqat bitta vakillik organiga deputat etib saylanishi mumkinligi to‘g‘risidagi qoidani o‘rnatish nazarda tutilgan.
Ijro muddati - 2020 yil avgust, mas'ul ijrochilar - MSK, Konstitutsiyaviy sud, Adliya vazirligi.
