19:50 / 29.05.2020
5623

Bugun jami 34 bemor tuzaldi

Sog‘liqni saqlash vazirligi Qoraqalpog‘istonda 5 nafar bemor tuzalib, respublika bo‘yicha kasallikdan sog‘ayganlar soni 2728 nafarga yetgani to‘g‘risida xabar berdi.

Qoraqalpog‘iston Respublikasi yuqumli kasalliklar shifoxonasidan 5 nafar koronavirus infeksiyasiga chalingan bemor sog‘ayib, reabilitatsiyaga kuzatildi.

Sog‘ayganlarning barchasi erkak bo‘lib, yoshi kattasi 43,  yoshi kichigi esa  35 yoshda. Hududlar kesimida olinsa, Qoraqalpog‘iston Respublikasi va Buxoro viloyatidan 2 nafardan, Samarqand viloyatidan 1 nafar.

Qoraqalpog‘istonda shu paytga qadar 133ta holatda kasallik qayd etilgan bo‘lsa, ularning 122 nafari sog‘aygan edi. Endilikda koronavirus infeksiyasidan forig‘ bo‘lganlar soni 127 nafarga yetdi. Hozirda shifokorlar ushbu hududda davolanayotgan 6 nafar bemor hayoti uchun kurashmoqda.

Bundan avvalroq Toshkent shahridagi shifoxonalarda 22, Samarqand viloyati yuqumli kasalliklar shifoxonasida 7 nafar bemor sog‘aygani haqida xabar berilgandi.

Shu tariqa, bugun 34 nafar bemor tuzalib, mamlakat bo‘ylab koronavirus infeksiyasidan butunlay sog‘ayganlar soni 2728 nafarni tashkil etmoqda.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top