15:43 / 21.06.2020
51088

O‘zboshimchalik bilan elektr tarmog‘iga ulanmoqchi bo‘lgan fuqaro tok urishi oqibatida halok bo‘ldi

Xorazm viloyati Xiva tumanida elektr energiyasi tarmog‘iga o‘zboshimchalik bilan noqonuniy ulanmoqchi bo‘lgan fuqaro fojiali tarzda halok bo‘ldi.

21 iyun kuni soat 06:30lar atrofida Xiva tumanining Juryon mahallasidagi fuqaro Xiva tuman elektr ta'minoti korxonasini ogohlantirmasdan, o‘zboshimchalik bilan «Komil inson» fermer xo‘jaligi nasosini tarmoqqa noqonuniy ravishda ulash maqsadida elektr energiyasi ustuniga chiqqan.

Natijada kuchlanish mavjud bo‘lgan tarmoqqa ulanish paytida fuqaroni tok urib, u voqea joyida halok bo‘lgan.

Foto: Xorazm hududiy elektr tarmoqlari
Foto: Xorazm hududiy elektr tarmoqlari
Foto: Xorazm hududiy elektr tarmoqlari

Bu holat yuzasidan tegishli tashkilotlar o‘rganish ishlarini boshlashdi.

Bu haqda xabar bergan «Xorazm hududiy elektr tarmoqlari» AJ fuqarolardan o‘zboshimchalik bilan elektr tarmog‘iga ulanmaslikni, buning uchun hududiy elektr tarmoqlari korxonasiga ariza bilan murojaat qilishni so‘ragan.

Mavzuga oid
Top