«Real» jamoasining qiymati 1,419 milliard yevro deb baholanmoqda.
«Real» (Madrid) dunyoning eng qimmat futbol brendlari reytingida yetakchi bo‘ldi. Bu haqda Brand Finance konsalting kompaniyasi xabar berdi.
Ispaniya jamoasining qiymati 1,419 milliard yevro deb baholanmoqda. Aniqlik kiritilishicha, uning narxi o‘tgan yilgiga nisbatan 13,8 foizga tushgan.
Reytingda ikkinchi o‘rinni Ispaniyaning yana bir klubi — «Barselona» (1,413 milliard), uchinchi o‘rinni esa Angliyaning «Manchester Yunayted» (1,314 milliard) klubi egalladi.
Reytingga hammasi bo‘lib 50ta klub kiritilgan.
«Real» 16 iyul kuni muddatidan oldin Ispaniya chempionligini qo‘lga kiritgandi. Madrid jamoasi 7 avgust kuni «Manchester Siti»ga qarshi Chempionlar ligasi nimchorak finali javob uchrashuvini o‘tkazadi. Dastlabki o‘yinda angliyaliklar 2:1 hisobida g‘alaba qozongandi.
