«Real Madrid»ning ikki futbolchisi – Garet Beyl hamda Serxio Regilon «Tottenhem»ga o‘tishdi.
31 yoshli Garet Beyl 2020/21 yilgi mavsumni ijara asosida London klubida o‘tkazadi. U yangi jamoasida 9-raqamni tanladi.
Beyl «Tottenhem»da 2007 yildan 2013 yilgacha o‘ynagan, so‘ng 100 mln yevro evaziga «Real»ga o‘tgan.
Bale. Is. Back.
— Tottenham Hotspur (@SpursOfficial) September 19, 2020
Welcome home, @GarethBale11 😍 #BaleIsBack ⚪️ #COYS pic.twitter.com/iOIWC2ZwtC
Shuningdek, «Real»ning yana bir futbolchisi – 23 yoshli Serxio Regilon ham «Tottenhem» tarkibiga o‘tdi. Ispaniyalik himoyachi «shporlar» bilan 2025 yilgacha mo‘ljallangan bitim imzoladi.
Xabar qilinishicha, londonliklar Regilon uchun 30 mln yevro to‘lashdi.
Shuningdek, shartnomada «qaymoqranglilar» Regilonni 40-45 mln yevro evaziga qaytarib olishlari mumkinligi ham ko‘zda tutilgan.
Regilon o‘tgan mavsumni «Sevilya»da ijarada o‘tkazib, jamoa bilan Yevropa Ligasida g‘olib bo‘ldi. La Liga doirasida esa 31ta o‘yinda 2ta gol urdi.