24 sentabr kuni O‘zbekistonda 519 kishida koronavirus aniqlanib, 609 kishi tuzalgani tasdiqlandi. Kunlik kasallanish ko‘rsatkichi so‘nggi uch kun davomida 600dan kam bo‘lmoqda.
Rasmiy statistikada jami holatlar soni 53 mingga yaqinlashdi: hozirgacha 53 966 kishida koronavirus aniqlangan. Ulardan 50 441 nafari tuzalgan.
Qurbonlar soni kamida 3 nafarga ortib, SSV statistikasi bo‘yicha 447 nafarga yetdi.
Yangi holatlar (+519)
So‘nggi kunlarda Toshkent shahri va Toshkent viloyatidan keyin kasallik eng ko‘p qayd etilgan viloyat bo‘lgan Namanganda 24 sentabr kuni yangi holatlar haqida e'lon qilinmadi.
- Toshkent shahrida 253 holat;
- Toshkent viloyatida 128 holat;
- Qashqadaryo viloyatida 35 holat;
- Surxondaryo viloyatida 19 holat;
- Buxoro viloyatida 13 holat;
- Jizzax viloyatida 25 holat;
- Samarqand viloyatida 12 holat;
- Sirdaryo viloyatida 12 holat;
- Farg‘ona viloyatida 7 holat;
- Andijon viloyatida 7 holat;
- Navoiy viloyatida 5 holat;
- Qoraqalpog‘istonda 3 holat.
Tuzalganlar (+609)
Rasmiy ma'lumotlarga ko‘ra, O‘zbekistonda COVID-19 yuqtirib olgani tasdiqlangan bemorlarning 93 foizi tuzalib chiqqan.
- Toshkent shahrida 359 nafar;
- Toshkent viloyatida 121 nafar;
- Namangan viloyatida 60 nafar;
- Jizzax viloyatida 28 nafar;
- Qashqadaryo viloyatida 19 nafar;
- Farg‘ona viloyatida 7 nafar;
- Qoraqalpog‘istonda 6 nafar;
- Andijon viloyatida 5 nafar;
- Navoiy viloyatida 2 nafar;
- Sirdaryo viloyatida 2 nafar bemor tuzaldi.
O‘lim holatlari (+3)
Sog‘liqni saqlash vazirligi bugun vafot etgani tasdiqlangan uch nafar bemor haqida ham hech qanday qo‘shimcha ma'lumot bermadi.
Ayni paytda tibbiyot muassasalarida 3 078 nafar bemor davolanmoqda, ulardan 548 nafari og‘ir, 469 nafari esa o‘ta og‘ir ahvolda.
