15:43 / 29.09.2020
8485

Ozarboyjon prezidenti Armanistonning o‘t ochishi oqibatida 10 nafar tinch aholi halok bo‘lganini ma'lum qildi

Ozarboyjon TIV va bosh prokuraturasining ma'lumotiga ko‘ra, 27 sentyabrdan buyon 30 nafar tinch aholi vakili yaralangan.

Foto: EPA-EFE/VAHRAM BAGHDASARYAN/PHOTOLURE

Ozarboyjon prezidenti Ilhom Aliyev Qorabog‘ nizosi hududidagi to‘qnashuvlar boshlanganidan buyon Armaniston tomonining o‘t ochishi oqibatida 10 nafar tinch aholi halok bo‘lganini aytdi.

"O‘tgan ikki kun davomida bizda yo‘qotishlar bo‘ldi, xususan fuqarolar orasida ham. Afsuski, halok bo‘lgan tinch fuqarolar soni oshmoqda. O‘n kishi, jumladan, bir oilaning besh nafar a'zosi, ular orasida ikki bola ham bor, halok bo‘ldi ", - dedi u.

Ozarboyjon TIV va bosh prokuraturasining ma'lumotiga ko‘ra, 27 sentyabrdan buyon 30 nafar tinch aholi vakili yaralangan.

Eslatib o‘tamiz, 27 sentabr kuni Ozarboyjon va Armaniston o‘rtasida harbiy to‘qnashuvlar boshlandi. Har ikki tomon yerdan va havodan bir-biri tomonga zarbalar bermoqda. Har ikki davlatda harbiy holat e'lon qilingan.

Mavzu
Qorabog‘ urushi
12 iyul kuni Ozarboyjon shimoli-g‘arbidagi Tovuz viloyati hududida ikki davlat qo‘shinlari o‘rtasida to‘qnashuv sodir bo‘ldi.
Barchasi
Mavzuga oid
Top