Erdo‘g‘an Anqara kelajakni Yevropa bilan birgalikda barpo etish niyatida ekanligini eslatib o‘tdi. Uning so‘zlariga ko‘ra, Turkiya barcha do‘st mamlakatlar bilan hamkorlikni kuchaytirmoqchi.
Turkiya koronavirus pandemiyasidan keyin shakllanadigan yangi dunyo tartibida munosib o‘rin egallashni maqsad qilgan. Bu haqda Turkiya prezidenti Rajab Toyyib Erdo‘g‘an ma'lum qildi, deb xabar bermoqda Anadolu agentligi.
«Bu maqsadda birinchi navbatda huquqiy va iqtisodiy tizimlarni yaxshilash, ishlab chiqarish va bandlikni oshirish bo‘yicha ishlar amalga oshiriladi», — dedi u.
Erdo‘g‘an shuningdek, Anqara kelajakni Yevropa bilan birgalikda barpo etish niyatida ekanligini eslatib o‘tdi. Uning so‘zlariga ko‘ra, Turkiya barcha do‘st mamlakatlar bilan hamkorlikni kuchaytirmoqchi.
«Turkiya mintaqaviy va global muammolarni hal qilish uchun AQSh bilan ham yaqin ittifoqchilik aloqalaridan faol foydalanishga tayyor», — deb qo‘shimcha qildi Turkiya prezidenti.
Erdo‘g‘an mamlakatning dunyodagi o‘rni haqida so‘zlarkan, gap yetakchi o‘rin haqida borayotganini ta'kidladi.
