Xitoyda koronavirusga qarshi 11ta vaksina klinik sinovdan o‘tkazilmoqda.
Xitoy dori vositalarini muvofiqlashtirish tashkiloti Sinopharm farmatsevtika korporatsiyasining koronavirusga qarshi inaktivlashgan vaksinasini ma'qulladi. Bu haqda tashkilot bayonotida aytilmoqda.
Qayd etilishicha, vaksina yaqin vaqt ichida bozorga chiqadi.
Avvalroq Sinopharm 2021 yilda koronavirusga qarshi 1 mlrd dozagacha vaksina ishlab chiqarishni rejalashtirgani ma'lum qilingandi.
Xitoyda koronavirusga qarshi 11ta vaksina klinik sinovdan o‘tkazilmoqda. To‘rtta vaksina klinik sinovlarning uchinchi bosqichiga o‘tgan.