Joriy yilning 26 dekabr kuni ijtimoiy tarmoqlarda Samarqand shahar Gagarin ko‘chasida avtobus ag‘darilgani haqida xabarlar tarqaldi.
IIV YHXBB axborot xizmati ma'lumotiga ko‘ra, joriy yilning 26 dekabr kuni soat 05:30larda Samarqand viloyati Samarqand shahar Gagarin va Fitrat ko‘chalari kesishmasida yo‘lovchi tashuvchi avtobus va “Niva” rusumli transport vositalari ishtirokida to‘qnashuv sodir bo‘lib, avtobus ag‘darilgan.
To‘qnashuv natijasida yo‘lovchi tashuvchi avtobus haydovchisi birinchi tez tibbiy yordam ko‘rsatish maqsadida shifoxonaga olib ketilgan. Avtobusda yo‘lovchilar bo‘lmagan.
Mazkur hodisa yuzasidan Samarqand shahar IIB YHXB tomonidan surishtiruv ishlari olib borilib, to‘qnashuv sabablariga aniqlik kiritilmoqda.
