Jo Bayden Kapitoliyda qasamyod qabul qilganidan so‘ng uni barcha turdagi qo‘shinlar harbiylaridan iborat prezident eskorti Oq uyga kuzatib boradi.
Foto: Joshua Robers/Getty Images
AQShda koronavirus cheklovlari sababli saylangan prezidentning Oq uyga kelishi marosimi o‘rniga virtual parad o‘tkaziladi. Bu haqda CNN xabar bermoqda.
Qayd etilishicha, paradning virtual versiyasi televideniye orqali translatsiya qilinadi. Tashkilotchilarning aytishlaricha, parad qatnashchilari ijtimoiy masofaga rioya qilishi ta'minlanadi.
Shuningdek, xabar qilinishicha, Bayden Kapitoliyda qasamyod qabul qilganidan so‘ng uni barcha turdagi qo‘shinlar harbiylaridan iborat prezident eskorti Oq uyga kuzatib boradi.
Inauguratsiya marosimi 20 yanvar kuni bo‘lib o‘tadi.
Amaldagi prezident Donald Tramp Baydenning inauguratsiya marosimida qatnashmaydi. U Floridada miting o‘tkazishni rejalashtirgan.
