Ijtimoiy tarmoqlarda Toshkent shahrining Sergeli tumani, Sputnik 4 mavzesi, 40b-uy oldida daraxtlar qo‘porib tashlangani haqida xabar tarqaldi.
Toshkent shahar ekologiya va atrof-muhitni muhofaza qilish boshqarmasi matbuot xizmati ushbu holat yuzasidan batafsil o‘rganishlar olib borilganini bildirib, rasmiy ma'lumot taqdim etdi.
Qayd etilishicha, ushbu hududda jami 14 dona har xil turdagi daraxtlar hech qanday ruxsatnomasiz ildiz qismidan qo‘porib tashlangan. Aniqlangan huquqbuzarlik yuzasidan daraxtlar Toshkent Industrial Export Center qurilish maydoniga olib kirilgani, shu bilan birga, 6 dona daraxt ko‘chirib o‘tqazilgani ma'lum bo‘ldi.
Holat yuzasidan o‘simlik dunyosiga jami 151,2 million so‘m zarar yetkazilgan. To‘plangan hujjatlar huquqni muhofaza qilish organlariga yuborilgani ma'lum qilingan.
