10:35 / 01.02.2021
7057

Qator tuman va shaharlarda sud tizimida tayinlovlar amalga oshirildi

2021 yilning 29 yanvar kuni O‘zbekiston Respublikasi Sudyalar oliy kengashida sudyalik lavozimining birinchi va navbatdagi muddatiga, shuningdek, vakolat muddatiga qayta tayinlash bo‘yicha ochiq tanlov bo‘lib o‘tdi. Bu haqda Sudyalar oliy kengashi matbuot xizmati Kun.uz’ga ma'lum qilmoqda.

Ochiq tanlov natijalariga ko‘ra, ilk marta (5 yillik muddatga) sudya bo‘lish uchun hujjat topshirgan 18 nafar nomzodning 15 nafari sudyalik lavozimiga loyiq deb topildi. Jumladan:

Nuriddinjon Yoqubovich Tojiboyev – Andijon viloyati fuqarolik ishlari bo‘yicha Bo‘ston tumanlararo sudining sudyasi lavozimiga;

Hulkaroy G‘opporovna Isakova – Andijon viloyati fuqarolik ishlari bo‘yicha Izboskan tumanlararo sudining sudyasi lavozimiga;

Kamolxon Muhibilloyevich Xomidov – Namangan viloyati fuqarolik ishlari bo‘yicha Chust tumanlararo sudining sudyasi lavozimiga;

Fazliddin Xudayberdiyevich Xidirov – Surxondaryo viloyati fuqarolik ishlari bo‘yicha Qumqo‘rg‘on tumanlararo sudining sudyasi lavozimiga;

Farxod Abdullayevich Zakirov – Toshkent viloyati jinoyat ishlari bo‘yicha Bekobod shahar sudining sudyasi lavozimiga;

Fazliddin Kutbiddinovich Ishanxodjayev – Toshkent viloyati jinoyat ishlari bo‘yicha Yangiyo‘l shahar sudining sudyasi lavozimiga;

Dilnavoz Shaxabidinovna Bekmatova – Toshkent viloyati fuqarolik ishlari bo‘yicha Ohangaron tumanlararo sudining sudyasi lavozimiga;

Avazjon Kenjayevich Payg‘amov – Toshkent viloyati Chirchiq tumanlararo iqtisodiy sudining sudyasi lavozimiga;

Toxirjon Tursunovich Salimov – Toshkent viloyati O‘rta Chirchiq tumanlararo iqtisodiy sudining sudyasi lavozimiga;

Anvar Turayevich Dusmurodov – Toshkent shahar jinoyat ishlari bo‘yicha Sergeli tuman sudining sudyasi lavozimiga;

Ikrom Egamberganovich Rajabov – Toshkent shahar jinoyat ishlari bo‘yicha Yangihayot tuman sudining sudyasi lavozimiga;

Mavlanjon Muxsinjonovich Muxitdinov – Toshkent shahar Toshkent tumanlararo iqtisodiy sudining sudyasi lavozimiga;

Darmon Urazbayevna Eshimbetova – Toshkent shahar Toshkent tumanlararo iqtisodiy sudining sudyasi lavozimiga;

Dilbar Abdusamatovna Xayrullayeva – Toshkent shahar Toshkent tumanlararo iqtisodiy sudining sudyasi lavozimiga;

Parizod Zaxidjanovna Zakirova – Toshkent shahar Toshkent tumanlararo iqtisodiy sudining sudyasi lavozimiga tayinlandi.

Bundan tashqari, 7 nafar nomzodni sudyalik lavozimiga navbatdagi 10 yillik muddatga tayinlash masalasini ko‘rib chiqqan Kengash a'zolari ularning 6 nafariga ishonch bildirdi. Jumladan:

Hasan Boltaboyevich Mamarasulov – Sirdaryo viloyat sudining iqtisodiy ishlar bo‘yicha sudyasi lavozimiga;

Shavkat Xalbayevich Shamshiyev – sudyalik muddatining dastlabki 5 yiliga Jizzax viloyati jinoyat ishlari bo‘yicha Zomin tuman sudining raisi lavozimiga;

Alisher Aralovich Qahharov – sudyalik muddatining dastlabki 5 yiliga Qashqadaryo viloyati jinoyat ishlari bo‘yicha Muborak tuman sudining raisi lavozimiga;

Soxibaxon Qodirjonovna Yulchiyeva – sudyalik muddatining dastlabki 5 yiliga Namangan viloyati fuqarolik ishlari bo‘yicha Chust tumanlararo sudining raisi lavozimiga;

Ulug‘bek Nazirovich Oripov – sudyalik muddatining dastlabki 5 yiliga Farg‘ona viloyati fuqarolik ishlari bo‘yicha Farg‘ona tumanlararo sudining raisi lavozimiga;

Lochin Maxmudovich Usarov – sudyalik muddatining dastlabki 5 yiliga Qashqadaryo viloyati fuqarolik ishlari bo‘yicha Qarshi tumanlararo sudining sudyasi lavozimiga tayinlandi.

Sudyalik vakolat muddati davriga qayta tayinlash bo‘yicha 5 nafar nomzodning 4 nafari tanlovdan muvaffaqiyatli o‘tdi, 1 nafari faoliyatini o‘z lavozimida davom ettiradigan bo‘ldi.

Shuningdek, Sudyalar oliy kengashi qarori bilan 1 nafar sudyaga intizomiy jazo qo‘llanib, uning vakolati muddatidan ilgari tugatildi, 6 nafar sudyani intizomiy javobgarlikka tortishga rozilik berildi.

Ma'lumot uchun, sudyalarga nisbatan intizomiy jazo choralari Sudyalar oliy kengashi roziligidan so‘ng, tegishli malaka hay'atlari tomonidan qo‘llaniladi.

Top