O‘zbekistonda bir guruh senatorlarga maxsus maqomlar berildi. Bu haqda «Yuksalish» umummilliy harakati xabar berdi.
Qayd etilishicha, Senat kengashining 2021 yil 1 fevraldagi qarori bilan bir guruh senatorlarga maxsus maqomlar berildi.
Senat a'zolarini ma'naviy va moddiy rag‘batlantirish bo‘yicha komissiyaning 2021 yil 26 yanvardagi tavsiyalarini ko‘rib chiqib, quyidagilarga maqom berildi:
Oral Ataniyazova — «Adolatli senator»;
Mahmudjon Toirov — «Xalqparvar senator»;
Farmon Toshev — «Mehnatkash senator»;
Sayyora Baratova — «Faxriy senator»;
Bahrom Mamajonov — «Faxriy senator»;
Shukurjon Mamatqulov — «Faxriy senator» maqomi.
O‘zA xabariga ko‘ra, ushbu maqomlarga sazovor bo‘lgan senat a'zolari hamda sobiq senatorlar sertifikat va belgilangan tartibda bir martalik pul mukofoti bilan taqdirlandi.
