Toshkent shahrida Amir Temur shohko‘chasi ustidan o‘tgan ko‘prikning (mo‘ljal “Universam”) bir tomoni “Yunusobod” metro bekatidan 7-son shahar klinik shifoxonasi yo‘nalishida transport harakati uchun vaqtincha yopiladi.
Poytaxt hokimligi axborot xizmati xabariga ko‘ra, bu yo‘l-ta'mirlash ishlarini tezroq yakunlash maqsadida amalga oshirilmoqda.
Ishlar 13 fevral kuni yakunlanishi rejalashtirilgan.
Vujudga kelishi mumkin bo‘lgan tirbandliklarning oldini olish maqsadida haydovchilarga aylanma yo‘llardan foydalanish tavsiya etilgan.
