Eron o‘z reaktiv yo‘lovchi samolyotini quradi. Bu haqda Eron Fuqaro aviatsiyasi tashkiloti rahbari Turoj Dehqoni Zangane ma'lum qildi.
Foto: Global Look Press/Morteza Nikoubazl
Samolyot 100 o‘rinli bo‘ladi. Uni yaratish bo‘yicha ishlar Fuqaro aviatsiyasi tashkiloti va mudofaa vazirligi o‘rtasidagi kelishuv doirasida boshlanadi.
“Ayni vaqtda ushbu samolyotni qurish bo‘yicha tadqiqot ishlari boshlandi”, deb ma'lum qilgan Zangane.
Eron fuqaro aviatsiyasining azaliy muammosi eskirib qolgan aviaparki hisoblanadi. Mamlakat ayni vaqtda AQShning qat'iy sanksiyalari ostida bo‘lib, bu unga rivojlanishida to‘sqinlik qilmoqda.
