08:38 / 30.03.2021
10461

Samarqandda o‘lim bilan bog‘liq yo‘l-transport hodisasi ro‘y berdi

Samarqand viloyati Bulung‘ur tumanida «Damas» mashinasi «ZIL» yuk mashinasiga borib urilgan. Oqibatda «Damas» haydovchisi vafot etgan. Bu haqda viloyat IIB YHXB xabar bermoqda.

Ma'lum bo‘lishicha, 25 mart kuni 4R 238 davlat ahamiyatiga ega avtomobil yo‘lining Bulung‘ur tumani «Oqtepa» mahalla fuqarolar yig‘ini hududidan o‘tuvchi 18-kilometrida odam o‘limi bilan bog‘liq yo‘l-transport hodisasi sodir bo‘lgan. «Damas» mashinasi «ZIL» yuk mashinasiga borib urilgan.

Mazkur yo‘l-transport hodisasida Bulung‘ur tumani «Zarafshon» mahalla fuqarolar yig‘inida yashovchi «Damas» haydovchisi olgan tan jarohatlari tufayli voqea joyida vafot etgan.

Qayd etilishicha, mazkur hodisa yuzasidan Jinoyat kodeksining tegishli moddalari bilan jinoyat ishi ochilib, hozirda surishtiruv ishlari olib borilmoqda. Bundan tashqari, viloyat IIB YHXB xodimlari tomonidan marhum yashagan «Zarafshon» MFYda aholi o‘rtasida targ‘ibot ishlari olib borilgan.

Top