29 aprelda kunduz kuni O‘zbekistonda havo biroz bulutli bo‘ladi, ba'zi joylarda o‘zgarib turadi, yog‘ingarchilik kutilmaydi, faqat Qoraqalpog‘istonda, Xorazm viloyatida ba'zi joylarda biroz yomg‘ir yog‘ishi, momaqaldiroq bo‘lishi mumkin. Ba'zi joylarda shamol 15-20 m/s gacha kuchayishi mumkin. Harorat 32-37 daraja issiqqacha bo‘ladi.
Poytaxtda havo kam bulutli va issiq bo‘ladi. Shamol sharqdan 3-8 m/s tezlikda esadi. Havo 34-36 daraja issiqqacha ko‘tariladi.
Respublikaning tog‘li hududlarida havo biroz bulutli bo‘ladi, ba'zi joylarda o‘zgarib turadi, yog‘ingarchilik kutilmaydi. Shamol 7-12 m/s tezlikda esadi. Havo harorati 23-28 daraja issiq bo‘ladi.
