25 may kuni Andijon shahar Cho‘lpon shox ko‘chasida joylashgan “O‘zbegim” savdo majmuasining tom qismida yong‘in sodir bo‘layotganligi to‘g‘risida video xabar e'lon qilgan edik.
Andijon viloyati FVB xabar berishicha, yong‘in-qutqaruvchilari voqea joyiga yetib borib, yong‘in to‘liq o‘chirilgan. Yong‘in natijasida bino tom va shift qismining 30 kv.m. maydoni zararlangan.
FVV yong‘in-qutqaruvchilari tomonidan majmua binosida bo‘lgan barcha fuqarolar o‘z vaqtida tezkorlik bilan evakuatsiya qilinganligi sabab jabrlangan va halok bo‘lganlar yo‘q.
Vaziyat oqibatlarini bartaraf etishga 9 ta yong‘in-qutqaruv ekipaji va 1 ta avtonarvon jalb etilgan.
Hozirda yong‘in sababi va moddiy zarar miqdori aniqlanmoqda.
