11:57 / 27.05.2021
2959

O‘zbekistonda koronavirusga qarshi vaksinaning 2-dozasini olganlar soni 500 mingga yaqinlashdi

O‘zbekistonda 26 may kuni jami 55 714 kishi COVID-19’ga qarshi emlandi. Sog‘liqni saqlash vazirligi matbuot xizmati xabar berishicha, shulardan 27 139 nafari birinchi bosqichda, 28 575 nafar fuqaro esa ikkinchi bosqichda emlangan.

Hozirgi kungacha O‘zbekistonda koronavirusga qarshi 1 738 830 doza vaksinadan foydalanildi, ularning 499 094 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 239 736 kishini tashkil etmoqda.

26 may kunidagi emlash ko‘rsatkichlari bo‘yicha yuqori o‘rinlarni

  • Toshkent shahri (7221 doza),
  • Toshkent viloyati (6841 doza),
  • Farg‘ona viloyati (6242 doza) band qildi.

Koronavirusga qarshi emlangan jami aholi soni

  • Farg‘ona viloyatida 228082 doza,
  • Andijon viloyatida 208562 doza,
  • Namangan viloyatida 197215 dozani tashkil qilmoqda.

 

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top