Ukraina may oxirlarida Belarusga o‘z havo makonidan foydalanishni taqiqlagandi.
Belarus prezidenti Aleksandr Lukashenko Minsk Ukrainadan keladigan samolyotlarni Belarus hududiga kiritmasligini ma'lum qildi. Bu haqda «Pul Pervogo» Telegram-kanali xabar berdi.
«Ukraina bizga parvozni yopdi, biz ham Ukrainada samolyotlarni qabul qilmaymiz», — dedi Lukashenko.
Ukraina may oxirlarida Belarusga o‘z havo makonidan foydalanishni taqiqlagandi. Bunga Minskning 23 may kuni Ryanair aviakompaniyasi samolyotini majburan qo‘ndirishi sabab bo‘lgandi.
Samolyotda Belarusda ekstremistik deb topilgan Nexta Telegram-kanali asoschisi Roman Protasevich bo‘lgan. Samolyot Minsk aeroportiga qo‘ndirilganidan so‘ng Protasevich qo‘lga olingan.
