Buxoro viloyatining bir qator tumanlarida fuqarolarning chorva mollarini o‘g‘irlab kelgan jinoiy guruh fosh etildi. Bu haqda viloyat IIB axborot xizmati xabar berdi.
Ma'lum qilinishicha, jinoiy guruh 2020 yil dekabr oyi o‘rtalarida G‘ijduvon tumanida 6 mln so‘mlik, 2020 yil 29 dekabr kuni Shofirkon tumanida 10 mln so‘mlik, 2021 yil 12 yanvar kuni Peshko‘ tumanida 12 mln so‘mlik hamda 16 yanvar kuni Shofirkon tumanida 8 mln so‘mlik mayda shoxli mollarni o‘g‘irlashgan.
Mol o‘g‘rilariga Jinoyat kodeksining tegishli moddasi bilan ayblov e'lon qilinib, qamoqqa olish ehtiyot chorasi qo‘llanilgan.
Oldinroq Buxoro shahrida o‘g‘irlik jinoyatini sodir etib, jazodan qochib yurgan shaxs Qozog‘istonda ushlangandi.
